المساعد الشخصي الرقمي

مشاهدة النسخة كاملة : غابت

سلمان1
10-17-2005, 07:55 PM
غابت ثمـان سنيـن حـلٍ وترحـال = غابـت ثمـان كلـهـا مدلهــــــمـه
قضيتهـا بالحـب والشـوق رحـال = شوقٍ تحـدى كـل يائسـه وهـــمـه
سألت عنها سنين وشهـور وليـال = و لا فيـه فـجٍ غيـر وجهـت يمـه
وعقب الثمان اللي تعبها برى الحال = جـاب الزمـان الكارثـه والمطمـه
جاني ولدها مبتسـم بيـن الاطفـال = ومن بسمته ذكرت انا بسمـة امـه
شفته وصاحت داخلـي كـل الأمـال = بصوتٍ عجزت بكتم الأنفـاس المـة
وركضت له دمعي على الخد منهـال = ومن كثر شوقي قمت بالحيل اضمـه
ولحظة حضنته والطفل في يدي مال = شميت ريحتها على اطـراف كمـه
واستلهمت نفسي مقاديـم الاهـوال = وتم الضيـاع واكـدت لـي متمـه
ليت الغياب اللي شغل غربتي طـال = ولا دور العاشق على حـرق دمـه
اليوم بنت الناس فـي بيـت رجـال = حبٍ على غير الشـرف لـي مذمـه
مجبور اعود واشتكي لكـل الأميـال = بنفسٍ .. حزينة .. كائبة .. مستهمة
برجع غريـبٍ سكتـه بـر ورمـال = يموت .. يحيى .. يندفـن مايهمـه
وسلامتكم
السحس
10-17-2005, 09:17 PM
مجبور اعود واشتكي لكل الأميـال
بنفسٍ .. حزينة .. كائبة .. مستهمة
برجع غريبٍ سكتـه بـر ورمـال
يموت .. يحيى .. يندفـن مايهمـه
----------------------------------------------

كلمات رووووووووووعه

مشكووووووووووووووور الغالى
الماسترو
10-17-2005, 10:08 PM
مشكور هل الشعر خوي سلمان

يعطيك الف عافية
كافي صدمات بحياتي
10-17-2005, 11:00 PM
الاستاذ والاخ سلمان

اي ابداع واي نقل

قمه في الروعه والكلمات والجميل في ذلك قصه خلفها انين

صرخ بها ذلك القلب بعد غياب ثمان اسنين وغربه وعندما عاد

ماتت معاه كل الاحلام والامنيات لتخرج لنا سيفونيه غرد بها

ذلك المبدع ولا اذكر اسمه انما تردد صيته بين اهل نجد وفاح عطراً وعبيراً

استاذي

يعيطك العافيه قمه في كل شي حتي في نقلك تحلق بنا الى الافق

سلمت تلك الانامل ومن ابداع الى ابداع

تحياتي
mbms
10-18-2005, 01:57 PM
مشكور.................ز
السامر
10-18-2005, 04:47 PM
الاخ العزيز/

سلمان يعطيك الف عافيه على نقل هذه القصيده.....

وياليت ياصاحبي العزيز تكتب اسم شاعرها او تكتب منقول من باب الحفاظ على ممتلكات الغير لاكثر ولا اقل واذا كانت القصيده لك انت ياليت تكتب كلماتي او شعري من حقك بس انت تنزل القصيده مبهمه ماتكتب عليها شي هنا يحتار القارى مايدري هالقصيده لك او لغيرك وانا كتبتلك في احد مشاركاتك هذه الملاحظه....

عزيزي تقبل الود من محبك ومحب مشاركاتك/السامر
سلمان1
10-19-2005, 04:40 PM
اشكر الجميع على المشاركة